
遍知贝玛嘎波大师教言集PK246ཚེ་རིངས་མཆེད་ལྔའི་གཡང་ཁུགས་བཞུགས་སོ།།
19-129
༄༅། །ཚེ་རིངས་མཆེད་ལྔའི་གཡང་ཁུགས་བཞུགས་སོ།།
༄༅། །ཚེ་རིངས་མཆེད་ལྔའི་གཡང་ཁུགས་བཞུགས་སོ།། ༄༅། །རྒྱུ་སྐར་ནང་ན་ཟླ་ཤེལ་བཞིན། །གྲུབ་པའི་དབུས་ན་ཕྱག་འོས་ཤིང་། །ཕན་བདེའི་བདུད་རྩི་བརྒྱ་འཛག་པ། །བཞད་པའི་རྡོ་རྗེར་ཕྱག་འཚལ་ལོ། །གང་ལ་དད་པའི་ཤུགས་འཆང་བ། །དེ་དེའི་ཕུན་ཚོགས་བདོ་བ་ལ། །ཆར་སྤྲིན་རྒྱས་པའི་དབྱར་མཚོས་
ཀྱང་། །འགྲན་མི་ནུས་པ་ཚེ་རིང་མའོ། །སྔོན་ཆད་ལེགས་བཤད་རྣམས་འཐུམས་པའི། །དབུགས་འབྱིན་པདྨ་དཀར་པོ་སྟེ། །གང་གི་མགུལ་གྱི་ནང་བཤད་ནས། །བག་ཡངས་རྒྱུ་བས་འདི་ལྟ་བུ།།འདིར་རྗེ་བཙུན་རས་པའི་
སྤྱན་སྔར་དམ་བཅས་པའི་བཀྲ་ཤིས་ཚེ་རིས་མ། དཔོན་གཡོག་ལྔའི་ལས་རིམ་འཇིག་རྟེན་པ་ལ་ཉེ་བར་མཁོ་བ་དཔལ་གྱི་གཡང་དགུག་པར་འདོད་པས། འཕྱིང་དཀར་གཙང་མའི་གདན་ལ། །ཚེ་རིང་མའི་གཏོར་མ་ལྔ་ཚོམས་མདའ་དར་སོར་གདུབ་མེ་ལོང་གཡུ་མུ་ཏིག །
19-130
གཡང་རྟེན་ནོར་སྣ་ཟས་སྣ་སྐོམ་སྣ། ནོར་ཅན་དགུའི་བང་མཛོད་ཀྱི་འབྲུ་སྣ་བཀྲ་ཤིས་པའི་རྫས་ཤིང་ཏོག །རྟེན་བྱིན་རླབས་ཅན་བཤམས། །ཆོ་ག་གཞུང་བཞིན་དུ་བྱས་ནས། །དབྱངས་སྙན་རོལ་མོ་དང་བཅས་
པས་འདི་སྐད་བསྐུལ་བར་བྱའོ། །རྡོ་རྗེ་གདན་གྱི་བྱང་ཕྱོགས་ནས། །བལ་བོད་གཉིས་ཀྱི་རུ་མཚམས་ན། །གངས་དཀར་ཤེལ་གྱི་ཅོད་པན་ཅན། །ཕུ་ཆུ་སྙིང་པོའི་རྒྱུན་སྒྲ་ཅན། །རི་བོ་གསེར་གཡུའི་སྐེད་ཆིངས་
ཅན། །ནགས་མ་མེ་ཏོག་ཤམ་བུ་ཅན། །གནས་མཆོག་དེ་འདྲའི་གཡོན་མགུལ་ན། །དར་དཀར་གུར་གྱི་ནང་ཤེད་ན། །བཀྲ་ཤིས་ཚེ་ཡི་དབང་ཕྱུག་མ། །ཞལ་བཟང་ཟླ་བ་རྒྱས་པ་འདྲ། །ལྷ་མོ་རྣམས་ཀྱང་
ཟིལ་གྱིས་གནོན། །མགྲིན་པ་གཅིག་ནས་གླུ་སྣ་སྟོང་། །ཚངས་པའི་དབྱངས་ཀྱང་ཟིལ་གྱིས་གནོན། །དབུ་སྐྲ་ཉག་མ་རེ་རེ་ལ།། གཡུ་ཕྲན་སྟོང་སྟོང་ལན་ཚར་ཅན། །ན་བཟའ་དར་ཟབ་ཡིད་འོངས་གསོལ། །རིན་ཆེན་
དུ་མས་སྐུ་ལ་བརྒྱན། །ཉིན་གསུམ་གངས་ཀྱི་རྩེ་ལ་བཞུགས། །སྨན་མོ་རྣམས་དང་ལྷན་ཅིག་རོལ། །མཚན་གསུམ་དུར་ཁྲོད་བརྒྱད་དུ་འབྱོན། །མཁའ་འགྲོ་རྣམས་ཀྱི་ཚོགས་དཔོན་མཛད། །བཀའ་ཉན་ལྷ་མོ་བཞིས་བསྐོར་ཞིང་། །
བྲན་གཡོག་མང་པོས་རྗེས་འབྲང་པ། །ཁྱོད་ཀྱི་གཡར་དམ་སྦྲན་ལགས་ཀྱིས།།བདག་གི་རྒྱུ་སྦྱོར་སྦྱིན་བདག་ལ། །བཀྲ་ཤིས་དཔལ་བསྐྱེད་གཡང་དགུག་མཛོད། །ཅེས་བསྐུལ་མདའ་དར་གཡབ། །རྡོ་རྗེ་མི་འགྱུར་དཔལ་གྱི་ཡུམ། །
19-131
སྐུ་མདོག་དཀར་མོ་གཞོན་ཚུལ་ཅན། །ཆིབས་སུ་སེང་གེ་དཀར་མོ་ཆིབས། །འཁོར་དུ་དཀར་མོ་འབུམ་སྡེས་བསྐོར། །དེ་རིང་སྤྲུལ་པས་ས་གསུམ་ཁོངས། །སྦྱིན་པའི་བདག་པོ་འདི་ལ་ནི། །མི་རྒྱུད་སྤེལ་ཞིང་ཚེ་
རིང་དང་། །བཀྲ་ཤིས་དཔལ་བསྐྱེད་གཡང་ཁུག་ཅིག །གཙོ་མོའི་དང་། ཤར་ནས་རྡོ་རྡོ་མཁའ་འགྲོ་མ། །སྐུ་མདོག་སྔོན་མོ་འཚེར་བག་ཅན། །ཆིབས་སུ་རྐྱང་བུ་ཁ་དཀར་ཆིབས། །འཁོར་དུ་སྔོན་མོ་འབུམ་སྡེས་བསྐོར། །
དེ་རིང་སྤྲུལ་པས་ས་གསུམ་ཁོངས་། །སྦྱིན་པའི་བདག་པོ་འདི་ལ་ནི། །འཁོར་འབངས་འཕེལ་བའི་གཡང་ཁུག་ཅིག །ལྷོ་ནས་རྡོ་རྗེ་བཞད་པ་མོ། །སྐུ་མདོག་གསེར་སྦྱངས་བཙོ་མའི་མདོག །ཆིབས་སུ་སྟག་མོ་གྲུས་
མ་ཆིབས། །འཁོར་དུ་སེར་མོ་འབུམ་སྡེས་བསྐོར། །དེ་རིང་༴ སྦྱིན་པའི༴ བཟའ་བཏུང་ལོངས་སྤྱོད་གཡང་ཁུག་ཅིག །ནུབ་ནས་རྡོ་རྗེ་དཔལ་མོ་ཆེ། །སྐུ་མདོག་ལི་ཁྲིའི་ཞུན་ལྟ་བུ། །ཆིབས་སུ་ཤ་བ་ཡུ་
མོ་ཆིབས། །འཁོར་དུ་དམར་མོ་འབུམ་གྱིས་བསྐོར། །དེ་རིང་༴ སྦྱིན་བདག༴ རིན་ཆེན་བང་མཛོད་གཡང་ཁུག་ཅིག །བྱང་ནས་རྡོ་རྗེ་གར་མཁན་མ། །སྐུ་མདོག་ལྗང་ཁུ་མརྒཏ་མདོག །ཆིབས་སུ་གཡུ་འབྲུག་སྔོན་མོ་
ཆིབས། །འཁོར་དུ་ལྗང་མོ་འབུམ་ལྡེས་བསྐོར། །དེ་རིང་༴ སྦྱིན་བདག༴ ནོར་ཕྱུགས་འཕེལ་བའི་གཡང་ཁུག་ཅིག །ཅེས་བརྗོད། གཡང་རྫས་མཛོད་དུ་བཞག །བཀྲ་ཤིས་རྒྱས་པར་བྱའོ། །གཡང་མར་བྱུག །གཡང་ཟས་ཟ། གཡང་ཆང་འཐུང། གཡང་ཐོད་གདགས། བསྟན་ལ་ཕན་པའི་མིང་དོན་ཅན། །དགེ་སློང་དེ་ཡིས་བསྐུལ་བའི་ངོར། །པདྨ་དཀར་བོའི་ལག་འདུ་བྱེད། །དཔག་བསམ་ཡོངས་འདུ་འདྲ་བར་སོང་།། །།མངྒལྃ།། །།



